سفیر جاوید لودین

جاوید لودین، رییس جامعۀ قلب آسیا، 25 سال در عرصۀ سیاسی، حکومت‌داری، دیپلوماسی و بخش خصوصی و توسعۀ بین‌المللی کار کرده است.

وی در سال 2003 وارد عرصۀ سیاست در افغانستان شد و تا سال 2013 در سمت‌های مختلف دولتی به‌ویژه سخنگوی مقام عالی ریاست‌جمهوری (2003 – 2005)، رییس دفتر حامد کرزی رییس‌جمهور پیشین (2005-2007) و معاونت سیاسی وزارت امور خارجه (2011-2013)، کار کرده است. وی همچنین به عنوان سفیر افغانستان در کشورهای شمال اروپا (2007-2009) و سفیر در کانادا (2009-2011) خدمت کرده است.

جناب لودین در سال 2013 از کارهای دولتی به بخش خصوصی پیوست و رهبری شرکت امریکایی «انهم» را برعهده گرفت. وی بعدتر شرکت مشورتی «میترا» را اساس گذاشت. شرکت مشورتی میترا در کابل، دبی و لندن فعالیت دارد.

جاوید لودین، کار را در بخش‌های توسعه و صلح‌سازی در انگلیس، افغانستان و پاکستان آغاز کرد. او در کابل متولد شده و در بریتانیا تحصیل کرده است. آقای لودین، در فاکولتۀ جامعه‌شناسی و سیاست تا مقطع ماستری در لندن درس خوانده و مدرک ماستری‌اش را در بخش تیوری سیاسی به دست آورده است.